کرپشن دی ماں

سرپرستی ہوندی دہشت گرداں دی جرم ودھ گئے تاں
انصاف دی مر گئی تے کرپشن دی جیوندی ماں

رشوت لے کے نوکری دیندے
ٹیلنٹ میرٹ کوئی نئیں ویندے
سچا منصف کوئی نہ لبھے کتھوں انصاف کراں
انصاف دی مر گئی تے کرپشن دی جیوندی ماں

اینے ہوندے ظلم کہ دل کرلاندا اے
سچ لکھن والا لکھاری سدھا جیل جاندا اے
دور تک انصاف نئیں دسدا کیڑے پاسے جاں
انصاف دی مر گئی تے کرپشن دی جیوندی ماں

جیڑے روپئیے تھوڑے لاندے
عدالتاں دے او دھکے کھاندے
اوناں نوں انصاف نئیں ملدا کیویں یقین دوآں
انصاف دی مر گئی تے کرپشن دی جیوندی ماں

پیسے لئی ظالم ظلم کماندے
معصوماں تے وی برس نئیں کھاندے
دہشت گرداں نوں پچھن والا کوئی ناں
انصاف دی مر گئی تے کرپشن دی جیوندی ماں

لٹن والا ای پیا شور مچائے
کرپشن ملک وچ ودھی جائے
عدم دی سر زمین تے ریناں تے ذوق میرا ناں
انصاف دی مر گئی تے کرپشن دی جیوندی ماں

Leave a Reply

Your email address will not be published. Required fields are marked *