الیکشن دے دناں وچ
تندرست بندے دا وی پتہ لین جاندے نیں
الیکشن دے دن جدوں نیڑے نیڑے اندے نیں
تواڈی اے صحت چنگی رنگ تواڈا لال اے
ہن دسو تواڈے ابے دا کیہ حال اے
تن سال ہوئے فوت ہوئیاں گھر والے سنادے نیں
الیکشن دے دن جدوں نیڑے نیڑے اندے نیں
سیاستدان دا جواب
وڈا سارا پنڈ اے پتہ نئیں کوئی لگدا
ہنیں ای دعا منگو پتہ نئیں جے کل دا
لالچ نوں دھکے نل دعا منگاندے نیں
الیکشن دے دن جدوں نیڑے نیڑے اندے نیں
اپنے مطلب لئی جپھیاں وی پاندے نیں
ڈیریاں تے بلا کے کھانا وی کھلاندے نیں
جت کے تے فر شکل وکھانوں وی جاندے نیں
الیکشن دے دن جدوں نیڑے نیڑے اندے نیں
ہر ویلے عوام دی خدمت اسی کریئے
جدوں چائیے جتھوں چائیے گیس بند کریئے
بھلا کرے رب اوناں دا جیڑے فیر گیس کھلاندے نیں
الیکشن دے دن جدوں نیڑے نیڑے اندے نیں
الامہ نہ کوئی دے ساڈی لین آئے سار نئیں
کیہ گل پائی جی ایدکی چڑھیا بخار نئیں
تندرست بندے نوں وی مریض بنادے نیں
الیکشن دے دن جدوں نیڑے نیڑے اندے نیں
ساڈے محلے وج اک ڈاکٹر رہندا اے
پنجا روپے دی دوائی او دیندا اے
نیکی جے کوئی کر لین دہائی بڑی پاندے نیں
الیکشن دے دن جدوں نیڑے نیڑے آندے نیں
الیکش دا دور جدوں لنگ جاندا اے
عوام نالوں فیر ناطہ ٹٹ جاندا اے
کم جے کوئی فیر آکھے دوروں ای تراندے نیں
الیکشن دے دن جدوں نیڑے نیڑے اندے نیں
بلدیاتی الیکشن جھگڑا تے فساد اے
ہسدے وسدے گھراں نوں کردا برباد اے
پچھے جیڑے ہٹن ذوق اوہو چنگے دہندے نیں
الیکشن دے دن جدوں نیڑے نیڑے اندے نیں
مسعود احمد ذوق