عاشیہ خان گیت و سنگیت کی دنیا کا وہ چمکتا ہوا نام ہے ، جس نے اپنی محنت اور لگن سے مختصر سے وقت میں اپنے نام کا سکہ پوری دنیا میں چلا دیا ہے .عاشیہ خان کی آواز میں خاص سحر اور کشش ہے ، جو سننے والوں کے کانوں میں شہد گھول دیتا ہے . شوبز کی دنیا سے تعلق رکھنے والے اور سر سنگیت کی پہچان کرنے والے ، پردیس میں بیٹھے دیس کو یاد کرنے والے لوگوں کا یہ کہنا ہے کہ عاشیہ خان دور حاضر کی سب سے خوبصورت گلوکارہ ہیں اور وہ بہت جلد فن کی بلندیوں پر ہوں گی . عاشیہ خان کی جڑیں تلونڈی موسیٰ خان میں ہیں . وہ خان اختر علی خان کی بیٹی ہیں ، ساجد علی خان ، ماجد علی خان کی چھوٹی بہن اور حمیرا ارشد کی کزن ہیں . عاشیہ خان اب تک بہت سے ملکوں میں اپنی آواز کا جادو جگا چکی ہیں جن میں جاپان ، امریکہ ، برطانیہ ، دبئی و دیگر ملک شامل ہیں[nggallery id=143]