پروہنے نئیں آئے

اساں رنگلے پلنگ وچهائے
پروہنے نئیں آئے
سانوں پچهن آئے ہمسائے
پروہنے نئیں آئے
ویڑھے گلیاں پوچ کے رکهیاں
بڑیاں گلاں سوچ کے رکهیاں
چاواں دے اساں محل بنائے
پروہنے نئیں آئے
اکهاں لائیاں تاڑیاں رکهیاں
کهلے بوہے باریاں رکهیاں
کئی نخرے ناز اٹهائے
پروہنے نئیں آئے
کچی کلی دے اسی ہاں مقیم
تے چک لیاندی آئس کریم
نالے بوتلاں دے ڈالے منگائے
پروہنے نئیں آئے
ہن لوکی سانوں کرن مخول
چنگا سی پکا لیندے دال چول
ہن کیڑا کهائے کیڑا ورتائے
پروہنے نئیں آئے
روکی رکهے کنے راہی
اونیں اج میرے ٹولن ماہی
جنے دل دے روگ مٹائے
پروہنے نئیں آئے
چنگا سی پروہنے آ جاندے
ساڈا وی دل پرجا جاندے
اکو تانگ دل نوں تڑپائے
پروہنے نئیں آئے
جو پکا پکایا سی کها جاندے
اس دل دا تڑکو مکا جاندے
کم آ جاندے خرچے لائے
پروہنے نئیں آئے
ہن سر اپنے نوں نوچنا واں
تے ایہو گل پیا سوچنا واں
نہ رہ اپنے نہ پرائے
پروہنے نئیں آئے
مصطفے دی ربا سن صدا
دم دا نئیں ہن کوئی وسا
ٹل گئے کنداں دے سائے
پروہنے نئیں آئے
غلام مصطفے آزاد
Share

Leave a Reply

Your email address will not be published. Required fields are marked *