لاکھوں لوگوں کی مسکراہٹ افتخار ٹھاکر تلونڈی موسیٰ خان میں

اداس لوگوں سے پیار کرنا کوئی تو سیکھے

سفید لمحوں میں رنگ بھرنا کوئی تو سیکھے

تلونڈی موسیٰ خان کی سر زمین کو بے شمار اعزازات حاصل ہیں. جن میں شبانہ اختر اولمپک چمپئیں ، فیصل عزیز (مرشد) انٹرنیشنل پاور لفٹر ، شاعر سید عبدلحمید عدم ، افتخار احمد خالد (علامہ) ، اعجاز طاہر ، فرید چیمہ ، صابر شاد ، فرخندہ جبیں ، سید ممتاز حسن سیکرٹری وزارت مال جیسے نام شامل ہیں . سید ضمیر جعفری اور ڈاکٹرعبدل قدیر کی تلونڈی آمد بھی کسی اعزاز سے کم نہیں . انہی اعزازات میں ایک نۓ اعزاز کا اضافہ آج جناب افتخار ٹھاکر کا اعجاز رفیق بھٹی آف جاپان کی دعوت پر تلونڈی تشریف لانا ہے . افتخار ٹھاکر کی آمد کی خبر جنگل میں آگ کی جیسے پھیلتے ہی ان کے دیوانے اکٹھے ہو گۓ جو اس عظیم فنکار کی ایک جھلک کے لئے بیچین ہو گۓ . افتخار ٹھاکر 4 گھنٹے تک اعجاز بھٹی کے گھر رہے اس دوران ان کے بیٹے اخلاق احمد گاؤں کے لوگوں کو ٹھاکر صاحب سے ملاقات کرواتے رہے. اخلاق احمد سے ٹھاکر صاحب نے خصوصی پیار کیا . افتخار ٹھاکر نے دوپہر کا کھانا حاجی محمد رفیق صاحب اور اعجاز صاحب کے ساتھ کھایا ، بعد میں مسجد انوار فرید میں اکٹھے نماز عصر ادا کی اور گاؤں کے لوگوں سے ملے . افتخار ٹھاکر کا یوم پیدائش یکم اپریل ہے . ان کا آبائی گھر میاں چنوں میں ہے ، انہوں نے ابتدائی تعلیم کے بعد امریکا اور فرانس کے تعلیمی اداروں سے پرفارمنگ آرٹ میں ڈگریاں حاصل کی ہوئی ہیں . افتخار ٹھاکر نے مسلسل 8 مرتبہ حج بیت الله کی سعادت حاصل کی ہے افتخار ٹھاکر عام زندگی میں انتہائی خدا ترس آدمی ہیں . وہ ہر سال کسی نہ کسی غریب کو بھی اپنے خرچے پر حج کرواتے ہیں .