ماجھو دا کھڑاک – ملک عصمت اللہ عرف ماجھو نے میدان مار لیا
چک نظام – آج حمزہ شہباز شریف نے چک نظام میں واقع الحادی ٹرسٹ سکول اور گرلز کالج کا افتتاح کیا . الحادی ٹرسٹ سکول ملک عصمت اللہ عرف ماجھو اور ان کے برادران کی شب و روز محنت کا نتیجہ ہے . نہایت مختصر عرصے میں شروع ہونے والے اس سکول نے علاقے میں کامیابی کے جھنڈے گاڑ دیے ہیں ، اس وقت اس سکول میں طلبا اور طالبات کی تعداد ایک ہزار کے قریب ہو گئی ہے . ملک ریاض احمد ، ملک عظمت اللہ ،ملک عصمت اللہ اور ان کے برادران نے سعودی عرب میں میاں برادران سے اپنی محبت اور عقیدت کا اظہار الله کے گھر حرم پاک میں ان کے ساتھ عمرہ ادا کر کے کیا تھا ، جب پرویز مشرف نے میاں نواز شریف اور ان کے خاندان کو جلا وطن کر دیا تھا . ملک عصمت اللہ عرف ماجھواور ان کے خاندان نے اس مشکل وقت میں میاں نواز شریف اور ان کے خاندان کو زندگی بھر ان کا ساتھ دینے کا عزم کیا اور اپنے ہر قسم کے تعاون کا یقین دلایا تھا . آج حمزہ شہباز شریف نے ان کے سکول کا افتتاح کر کے اور چک نظام آ کر پورے علاقے کے دل جیت لئے ہیں اور ثابت کر دیا ہے کہ ملک برادران اور اہل علاقہ ان سے اور وہ ان سے دلی محبت رکھتے ہیں ، ہزاروں کی تعداد میں آے ہوے لوگوں نے اپنے محبوب قائد کا نہایت پرجوش استقبال کیا ، ڈھول کی تھاپ پر اور گھوڑوں کے رقص میں پھولوں کی پتیاں نچھاور کرتے ہوے جلوس کی شکل میں حمزہ شہباز شریف کو جلسہ گاہ میں لایا گیا جہاں پر پہلے سے موجود ہزاروں مرد و خواتین ان کا استقبال کرنے کے منتظر تھے . ملک عصمت اللہ عرف ماجھو نے مختصر خطاب میں اپنے محبوب لیڈر کا شکریہ ادا کیا اور حاضرین کو یقین دلایا کہ اب ظلم کی رات ختم ہو گئی ہے وہ اپنے عوام کے حقوق کے لئے میاں برادران کے شانہ بشانہ رات دن ایک کر دیں گے . اس موقع پر حمزہ شہباز شریف نے اپنے خطاب میں کہا کہ وہ ملک برادران ، خصوصی طور پر ملک ریاض احمد ، ملک عظمت اللہ ،ملک عصمت اللہ اور اہل علاقہ کہ مشکور ہیں . عوام کو مہنگائی ، لوڈ شیڈنگ اور کرپشن سے نجات دلائیں گے . ملک عصمت اللہ اور ہزاروں کی تعداد میں جمع افراد نے گوجرانوالہ میں 31 دسمبر کو جناح سٹیڈیم جانے کا اعلان کیا . ملک افضل وائس چیرمین ملک ویلفیر ٹرسٹ ، ملک عبدل ستار طارق پراجیکٹ ڈائریکٹر تھیلس گروپ سعودیہ ، ملک افتخار مرکزی چیرمین پاک پی ڈبلیو ڈی ورکرز یونین اور علامہ افتخار احمد خالد چیف ایڈیٹر تلونڈی ڈاٹ نیٹ نے ملک عصمت اللہ عرف ماجھو اور ان کے برادران کو ایک شان دار جلسے کا اہتمام کرنے پر مبارک باد دی ہے ، عوامی حلقوں میں امید کی جا رہی ہے کہ ملک عصمت اللہ نون لیگ کے آیندہ ایم پی اے ہوں گے
[nggallery id=80]